Dakhani Swarajya

संपादक : संतोष श्रीमंतराव तांबे | RNI: MHMR/2022/87034

Dakhani Swarajya
ताज्या बातम्या पुस्तक परीक्षण लेख

बनवाडी वस्तीशाळेची क्षेत्रभेट

ताज्या बातम्या
Dakhani Swarajya 14 October 2025 08:37 PM

बनवाडी वस्तीशाळेची क्षेत्रभेट

दखनी स्वराज्य, छत्रपती संभाजीनगर 


जिल्हा परिषद प्राथमिक शाळा बनवाडी वस्ती, शेवता खुर्द या शाळेची निसर्ग सहल व क्षेत्र भटीचा उपक्रम अतिशय आनंदात पार पडला. शाळेतील विद्यार्थी आणि शिक्षक आज दिनांक 14 ऑक्टोबर 2025 रोजी बोरगाव अर्ज येथे गेले. याप्रसंगी तेथील प्रसिद्ध गणपती मंदिराचे दर्शन घेतले. छत्रपती संभाजीनगर जिल्ह्याचे जिल्हाधिकारी दिलीप स्वामी साहेब यांच्या दशसूत्री कार्यक्रमांतर्गत संस्कारक्षम विद्यार्थी घडवणे हे एक मूल्य यातून विद्यार्थ्यांमध्ये रुजवण्यात आले.
तसेच कार्यानुभव या विषयांतर्गत गिरजा नदीवरील धरणाला क्षेत्रभेट देऊन धरणाचा उपयोग, धरण कसे बनते ह्या बद्दल सविस्तर माहिती देण्यात आली गणपती मंदिर हे अतिशय सुंदर असून गिरजा नदीच्या काठावर वसलेले आहे. गिरजा नदी याबद्दल सांगोपांग चर्चा झाली मुलांनी सोबत आणलेली शिदोरी आनंदाने शिक्षकांसोबत खाल्ली. या ठिकाणी मुलांनी गाण्याच्या भेंड्या, बॅडमिंटन, कबड्डी असे विविध खेळ खेळले. आदर्श शिक्षिका प्रतिभा सुर्यवंशी यांनी या सहलीचे नियोजन केले होते. सहलीच्या यशस्वीतेसाठी सुनंदा काळे, लक्ष्मीकांत कोलते यांनी मेहनत घेतली.