प्रसिद्ध साहित्यिक प्रविण खोलंबे यांना "साहित्य रत्न पुरस्कार" प्रदान

ताज्या बातम्या

प्रसिद्ध साहित्यिक प्रविण खोलंबे यांना "साहित्य रत्न पुरस्कार" प्रदान

दखनी स्वराज्य, ठाणे -

कला, साहित्य, शिक्षण, आरोग्य, समाजसेवा, सांस्कृतिक अशा विविध क्षेत्रात उल्लेखनीय कार्य करणाऱ्या व्यक्तींना प्रजासत्ताक अमृत गौरव पुरस्कार देऊन गौरविण्यात आले. त्यामध्ये मुरबाड तालुक्याचे सुपुत्र असणारे सुप्रसिद्ध साहित्यिक प्रविण खोलंबे यांना अमृत गौरव समितीच्या वतीने साहित्यरत्न पुरस्कार प्रदान करण्यात आला.

साहित्य, सांस्कृतिक, सामाजिक व शैक्षणिक अशा विविध विषयांवर लेखन करणारे प्रतिभावान लेखक महाराष्ट्रात साठहून अधिक ठिकाणी कविसंमेलन मध्ये कविता सादरीकरण करणारे युवा कवी‌ म्हणून परिचित आहेत. विविध विषयांवर चर्चा करणारे व परखडपणे विचार मांडणारे सुप्रसिद्ध वक्ते आपल्या शब्दांची उधळण करीत श्रोत्यांना एकाच जागी खिळवून ठेवणारे सुप्रसिद्ध निवेदक, वक्ते, कवी लेखक, समीक्षक, परिक्षक आणि मराठी भाषा साहित्याचे जानकार व अभ्यासक अशी त्यांची जनमानसात लोकप्रिय ओळख आहे. सामाजिक, साहित्य, कला, सांस्कृतिक, शैक्षणिक अशा विविध विषयांवर लेखन केले आहे. महाराष्ट्रातील वेगवेगळ्या ठिकाणांहून प्रसिद्ध होणारी दैनिक, साप्ताहिके, मासिके, दिवाळी अंक आणि डिजिटल पोर्टलवर त्यांचे मुबलक लेख व कविता प्रकाशित आहेत. नाशिक आकाशवाणी केंद्रावरुन त्यांच्या कवितांचं अभिवाचन व प्रसारण झालं आहे.

जळगाव आकाशवाणी केंद्रावरुन कवितांचं अभिवाचन करण्यात आलं आहे. तर, पुणेरी रेडिओ आवाज, पुणे यामध्ये 'हा खेळ शब्दांचा' या शोमध्ये त्यांच्या बऱ्याच चारोळी व कविता ह्या आरजे कैलास यांनी अभिवाचन केल्या आहेत. त्यांचं साहित्य व सांस्कृतिक कला, शैक्षणिक अशा विविध क्षेत्रांतील योगदानाबद्दल त्यांना राष्ट्रीय विज्ञान संशोधन परिषदेचे अध्यक्ष पद्मश्री डॉ.जी.डी. यादव यांच्या हस्ते "साहित्यरत्न पुरस्कार" प्रदान करण्यात आला. नॅशनल लायब्ररी बांद्रा, मुंबई येथे रविवार दि.25 ऑगस्ट 2024 रोजी आयोजित करण्यात आला होता. कार्यक्रमाचे प्रास्ताविक प्रा.नागेश हुळवले यांनी भारतीय संविधान उद्देशिका वाचुन कार्यक्रमाची सुरुवात करण्यात आली. कार्यक्रमाचे सूत्रसंचालन सुप्रसिद्ध निवेदिका योगिता पाखले यांनी केले.

प्रजासत्ताक अमृत गौरव पुरस्कार सोहळा - 2024 विविध क्षेत्रांतील मान्यवरांच्या उपस्थितीत मान्यवर राज्य पर्यटन सांस्कृतिक कला महोत्सव समितीचे उपाध्यक्ष डॉ.ख.र.माळवे, राष्ट्रीय विज्ञान संशोधन परिषदेचे अध्यक्ष पद्मश्री डॉ.जी.डी. पवार, जेष्ठ साहित्यिक डॉ.बाळासाहेब तोरसकर, दै.प्रहारचे संपादक डॉ.सुकृत खांडेकर, जेष्ठ साहित्यिक राजेश साबळे, साहित्यिक प्रा.नागेश हुळवले, साहित्यिक प्रमोद सुर्यवंशी, साहित्यिक रणजित पवार या मान्यवरांच्या उपस्थितीत नॅशनल लायब्ररी बांद्रा, मुंबई येथील सभागृहात कार्यक्रम संपन्न झाला.