स.भु.विज्ञान महाविद्यालयात राष्ट्रीय छात्र सेनेच्या वतीने शस्त्र पूजन सोहळा उत्साहात संपन्न.

ताज्या बातम्या

स.भु.विज्ञान महाविद्यालयात राष्ट्रीय छात्र सेनेच्या वतीने शस्त्र पूजन सोहळा उत्साहात संपन्न.

दखनी स्वराज्य, छत्रपती संभाजीनगर  

 विजयादशमी (दसरा) हा भारतीय संस्कृतीतील एक महत्त्वपूर्ण सण असून, या दिवशी शस्त्रांचे पूजन करून ज्ञान, पराक्रम व परिश्रम यांचा सन्मान केला जातो. 
या पार्श्वभूमीवर, श्री सरस्वती भुवन विज्ञान महाविद्यालय छ. संभाजीनगर राष्ट्रीय छात्र सेनेच्या वतीने विजयादशमीच्या पूर्वसंध्येला दि 1 ऑक्टोबर 2025 रोजी शस्त्र पूजनाचा उत्सव संपन्न झाला.
यावेळी प्रमुख पाहुणे म्हणून सरस्वती भुवन कला व वाणिज्य महाविद्यालयाचे प्राचार्य आदरणीय डॉ. विवेक मिरगणे, स भू विज्ञान महाविद्यालयाचे उपप्राचार्य डॉ अनिल शंकरवार,डॉ शमा खोब्रागडे, प्रा संजय गायकवाड, लेफ्टनंट डॉ गजानन सानप यांची प्रमुख उपस्थिती होती.
राष्ट्रीय छात्र सेनेतील 0.22 व एस एल आर डमी रायफल तसेच गार्ड ऑफ ऑनर च्या मानाच्या तलवारीचे पूजन मान्यवरांच्या हस्ते संपन्न झाले.
प्राचार्य डॉ विवेक मिरगणे यांनी आपल्या भाषणात शस्त्र पूजनाचे महत्त्व विशद केले विद्यार्थ्यांना विजयादशमी निमित्ताने शुभेच्छा व्यक्त केल्या.
यावेळेस राष्ट्रीय छात्र सेनेचे सर्व छात्र सरस्वती भुवन विज्ञान महाविद्यालयातील सर्व प्राध्यापक व शिक्षकेतर कर्मचारी यांची उपस्थिती होती.