संपादक : संतोष श्रीमंतराव तांबे | RNI: MHMR/2022/87034
पांचपीर ट्रस्ट कार्यक्षेत्र भारत आयोजित शाम परशुराम बैसाणे लिखित अभिलाषा काव्यसंग्रहाचे प्रकाशन ज्येष्ठ साहित्यिक व विचारवंत शिवा इंगोले यांच्या हस्ते व अध्यक्षतेखाली पासपोली बीएमसी शाळा पवई, मुंबई येथे मोठ्या उत्साहात संपन्न झाला. यावेळी बोलताना "शाम बैसाणे यांच्या पहिल्या अभिलाषा काव्यसंग्रहाचे आपण सर्वांनी मनःपूर्वक स्वागत केले पाहिजे. प्रत्येक कवी पहिला तर नवखाच असतो परंतु त्याच्या अवतीभोवतीच्या प्रश्नामधून तो आपल्या कवितेचे आयुष्य घडवीत असतो. खांदेशा सारख्या कष्टाळू भूमीतून शाहू फुले आंबेडकरांच्या प्रेरणादायी विचाराभोवती अभिलाषा काव्यसंग्रह गुंतलेला आहे." असे प्रतिपादन त्यांनी केले. ज्येष्ठ साहित्यिक विचारवंत शुक्राचार्य गायकवाड यांनी प्रमुख उपस्थितीत बोलताना "अभिलाषा काव्यसंग्रह पुस्तक प्रकाशन सोहळा देखणा झाला आहे. काव्य संग्रहातील कवितेतून कवी शाम बैसाणे यांनी अनेक क्षणांना जिवंत करण्याचा प्रयत्न केला आहे." तर साहित्यिक विचारवंत नवनाथ रणखांबे यांनी प्रमुख वक्त म्हणून बोलताना, "अभिलाषा पुस्तकात शाम बैसाणे यांनी मराठी आणि अहिराणी भाषेत छान कविता लिहिल्या असून त्याला गोडवा आणि लय आहे. त्यांच्या प्रकाशित पुस्तकांने त्यांच्या आयुष्याच्या शिरपेचात एक मानाचा तुरा लावला आहे." असे प्रतिपादन केले. या कार्यक्रमासाठी प्रमुख वक्ते भटू जगदेव, प्रा. गीता मोदले, बाबा बिऱ्हाडे पुस्तकावर स्पष्टीकरण आणि विश्लेषण केले. प्रमुख उपस्थितीत बोलताना साहित्यिक अनिल भालेराव, बाळासाहेब बैसाणे यांनी पुस्तक प्रकाशित झाल्याबद्दल यावेळी शुभेच्छा दिल्या.
दुसऱ्या सत्रात धम्मचक्र प्रवर्तन दिनानिमित्ताने प्रबोधन काव्यगंध समाज परिवर्तनाचे निमंत्रित आणि उपस्थितांचे कवी संमेलन उत्कृष्ठरित्या संपन्न झाले. राजरत्न राजगुरू, गजानन गावंडे, कवी बबन सरोदे, जगदेव भटू, विजयकुमार भोईर, नवनाथ रणखांबे, बाळासाहेब जोंधळे, शाम बैसाणे, सुधाकर सरोदे, नरेश जाधव, मारुती कांबळे, अशोक भवार, सुरेश गोडगे, विकास भंडारे, शाहिर वसंत हिरे, प्रतिक कांबळे, के. पुरुषोत्तम, संतोष सदन, किसन भवाळ आदी कवींनी मराठी, अहिराणी आणि हिंदी कविता सादर करून कविसंमेलनाची रंगत व उंची वाढवली. यावेळी पंचवीस कवींनी कवी संमेलनात भाग घेतला. कवी संमेलनाचे बहारदार सूत्रसंचालन आशा व नवनाथ रणखांबे यांनी केले. ट्रस्टच्या वतीने राष्ट्रीय साहित्य सेवा पुरस्कार २०२५ देऊन काहीं मान्यवरांचा सन्मान करण्यात आला तर कवी संमेलनात सहभाग घेणाऱ्या कवींना सहभाग सन्मानपत्र देऊन सन्मानित करण्यात आले. कार्यक्रम यशस्वी करण्यासाठी पांचपीर ट्रस्टचे सर्व पदाधिकारी व कार्यकर्ते आणि विशेष मेहनत अंजना बैसाणे, डॉ. सुशील बैसाणे, डॉ. आश्लेषा बैसाणे, भाईदास बैसाणे, डॉ. संतोष मालुसरे, नीलम चौधरी, सुंदर रणदिवे, प्रणिती महापदी, संदीप पाटील, संजना पाटील, राजाराम चौगुले, स्मित पाटील, निलेश बटावले, केविन परेरा, विजय सावंत आदीनी मेहनत घेतली.