दादोजी कोंडदेव माध्यमिक विद्यालयात विद्यार्थी सुरक्षा समिती अंतर्गत "माझी सुरक्षा माझ्या हाती, माझी सुरक्षा माझी जबाबदारी" कार्यक्रम संपन्न

ताज्या बातम्या

दादोजी कोंडदेव माध्यमिक विद्यालयात विद्यार्थी सुरक्षा समिती अंतर्गत "माझी सुरक्षा माझ्या हाती, माझी सुरक्षा माझी जबाबदारी" कार्यक्रम संपन्न

दखनी स्वराज्य, छत्रपती संभाजीनगर :

जय महाराष्ट्र शिक्षण प्रसारक संस्था संचलित दादोजी कोंडदेव माध्यमिक विद्यालय मयूर पार्क येथे नुकताच विद्यार्थी सुरक्षा समिती अंतर्गत शाळेतील विद्यार्थिनींना सुरक्षा व स्व:संरक्षणार्थ मार्गदर्शनपर "माझी सुरक्षा माझ्या हाती, माझी सुरक्षा माझी जबाबदारी" कार्यक्रम घेण्यात आला.
 सदर कार्यक्रमाच्या अध्यक्षस्थानी विद्यालयाच्या मुख्याध्यापिका श्रीमती यशोदा पाटील तर प्रमुख अतिथीपदी श्रीमती कल्पना हरिश्चंद्र, श्रीमती सारिका जराड यांची उपस्थिती होती.
कार्यक्रमाच्या सुरुवातीस प्रमुख पाहुण्यांच्या हस्ते सरस्वती प्रतिमापूजन करून अभिवादन करण्यात आले. मुख्याध्यापिका श्रीमती यशोदा पाटील यांनी विद्यार्थिनींना गुड टच बॅड टच, पास्को कायदा व चिराग ॲप आणि चाइल्ड हेल्पलाइन नंबर बद्दल माहिती दिली. तसेच विद्यार्थिनींनी आपल्या स्वतःच्या संरक्षणार्थ कशा पद्धतीने उपाययोजना कराव्यात याबाबत सविस्तर मार्गदर्शन केले.
कार्यक्रमाच्या समारोप प्रसंगी कार्यक्रमाचे प्रमुख अतिथी श्रीमती कल्पना हरिश्चंद्र व श्रीमती सारिका जराड यांनी विद्यार्थिनींना शाळा, कुटुंब व समाजात वावरताना मुलींनी काय काळजी घ्यावी याविषयी मार्गदर्शन केले. कार्यक्रमास विद्यार्थिनी सोबतच पालक माता-भगिनीही उपस्थित होत्या.
 कार्यक्रमाचे सूत्रसंचालन श्रीमती आशा आगलावे यांनी तर आभार प्रदर्शन श्रीमती गीता मटेर यांनी केले.
 कार्यक्रमाच्या यशस्वीतेसाठी सर्व शिक्षक शिक्षकेतर कर्मचारी यांनी परिश्रम घेतले.